බලු කතාවක්

"බල්ලාට ඇති වැඩකුත් නැත, හෙමින් ගමනකුත් නැත" කියන කතාවෙ,  මම එකඟ කොටසකට විතරයි. ඔහෙල නොදන්නව වුනාට අපිටත් වැඩ තියෙනවා. වෙලා තියෙන්නෙ, බල්ලො ගැන ඔහෙලා පෝස්ට් නොලියන එකයි. මෙන්න මගේ වැඩ රාජකාරි වලින් කොටහක්:

හන්දියෙ බේකරියෙන් පාන් 'අතමාරුවට" ගෙන දිවීම, බළලුන් පස්සේ පැන්නීම. පුරහඳ ඇති රෑ ගැන්සිය සමඟ සිංදු කීම. බුදියා ගැනීම, බ්ලොග් කියවීම, සැකුරිටි වැඩ. බ්ලොග් වලි වලට හොම්බ දැමීම.  ඔය ඉහල පැලැන්තියෙ නෝනල ගාව ඉන්න බලු සුරතලුන්ට "වෙන" රාජකාරිත් තියනවා කියන්නෙ? අනේ, මං දන්නෙ නෑ ඕවා. ඒ වගේම, සමහර බල්ලොන්ට, මේ ඔහෙල අපිට නැති සැප තියෙනවා. බෑංක් එකවුන්ට් තියෙන බල්ලොත් ඉන්නවා කියනවා. 

"කච්චිය පිච්චියට ගියත් බල්ලා එලුවෙන්". ඕකත් ඇත්තම නෙමෙයි, එහෙ බල්ලො සපත්තු, මේස් දාලා කලසං, කෝට් අඳිනවා කියල, අර බකුසුමොටා කියන්නෙ?

බලු මහත්තය - Pooch in Boots

"දැමුවත් හත් වසරක් උන පුරුකේ. බලු වලිගේ ඇද....." ඕකත් ඒ වගේම බේගලයක් නෙව? ගෙදර හිටිය "බ්ලැකී" කියන පරයා ඩෝග් , එයාගෙ නකුට "රිට" වගේ කෙලින් කරන් යන එකට කිව්වෙ "කොඩිය" දාගෙන යනවා කියලය කියල කිව්වෙ, බකුස්. නාන්න අකමැති බ්ලැකී, මේසෙයට බුදියාන ඉන්න කොට" කෝ, මේ බ්ලැකීයා, අද නං මූව නාවන්න ඕනෙ" කිව්වාම, "බැහ්ක්" ගාලා උඩ පැනලා දුවන බවත්, "කොඩිය" දාගෙන ගම වටේම රස්තියාදුවේ ගොස්, එන්නේ සවස බවත් කිව්වා.

මිනිස් වැඩ කරපු බල්ලෙක් ගැන කතාවක්,  කාලෙකට පෙර "නෙලුම් විලේ" බින්දි ලිව්වා. දැන් එයා බ්ලොග් ලියන්නෙ නෑ.😒

මිනිසෙක් වූ බල්ලෙක්

තවත් අපූරු බලු කතාවක්, ලිව්වෙ "Rear Gate" ලියපු චාමි, උන්දැවත් බුකිය ගිල්ලා.😒

බල්ලා ගොඩගත් කෙල්ල

ජිම්නාස්ටික් කරන, පොඩි බලු පැටියෙක්.

වීඩියෝව තප්පට 1:18, ඒත් ටයිම් ස්ටෑම්ප් 0:54 සිට නැරඹන්නත් ඇහැකියි.

සත්තුන්ට වෙදකම් කරන දොස්තරට බලු දොස්තර කියන්නෙ ඇයි?  අපි නාන්න වගේම අකමැති දෙයක් තමයි "වෙට්" විසිට් එක. දෙකම -වෙට්. මේක තප්පර 2:28 යි. ඒත් කැමති නං විතරයි. නැහ්නං අපෙ ආච්චිට කිඹුහුං ගියාම මෙහෙම කියයි " ඈ බොල වල් පූසිගෙ පුතෝ! තෝ ඒ වංගියෙ බොග දාන්නත් ගත්තද?"

මෙතැන 'වල්' යනුවෙන් අදහස් කලේ මා මිස උන්දැගෙ දෝණි , අපෙ අහිම්සක අම්ම නොවන බව කරුනාවෙන් සලකන්න.

 

කාලෙකට පෙර සැම්බියාවෙ දොස්තර කෙනෙක්, කැනේඩියන් කාන්තාවක් බැඳලා, සැස්කචවාන් වලට ආවා. ඇවිත් ක්ලිනික් එකක් දාගත්තා. ක්ලිනික් එකට ආපු තරුණියක්, චෝදනා කලා, ඩොකා තමන්ට ඉන්ජෙක්සන් එකක් ගහලා, පැරලයිස් කරලා බලෙම්ම "ටීක්" ලෑව කියලා. ඔප්පු කර ගන්න බැරි වුනා. DNA මැච් වුනේ නෑ.

ගෙදරදි බිරිඳට, තමන්ගෙ පලමු විවාහයෙ දැරියගෙ ඇඳ ලඟ තිබිලා "සබර්" කොපු හම්බ වුනා. දැරිය කිව්වා, දොස්තර බාප්පා තමන්ට පාඩම් මතක ඉන්න බේත් දෙන බවත්, හොඳට නින්ද ගියත්, ඇහැරුනු විට ඇඟට අමාරු බවත්. බිරිඳ පොලීසි ගියා. වැඩේ පත්තු වුනා. කස්ටිය ආව, ඩොකාගෙ ලේ ගත්තා, ඒත් DNA මැච් වුනේ නෑ. ඒත්, එක ස්මාට් ලැබ් පරීක්ෂකයෙක් කිව්වා, මේ ලේ "මැරිලා" බවත්, ජීවත් වන මනුස්සයෙකුගෙ ඇඟේ නං මේ ලේ තියෙන්න බෑ කියලා. ඩොකා දීලා තිබ්බ ගේම පහල ලින්කුවේ. පස්සෙ පටි ගලෝලා පිටුවහල් කලා.

John Schneeberger          https://en.wikipedia.org/wiki/John_Schneeberger

ප්‍රෙඩී සිල්වා මහතා බලු සිංදුවක් කිව්වා, ඒකෙ ඉන්න බල්ලා මලා, උපවාස කරලා.

අපි මොන බල්ලොද, සෑර්?

                            ☜(ﾟヮﾟ☜)                        ༼ つ ◕_◕ ༽つ                         (☞ﾟヮﾟ)☞

             

සුදීකගෙ බලුකතා:

කොල්ලෙකුට ඇඩ්රස් නැතිකල බල්ලෙක්

අපූරු කතා දෙකක් .....

(තව එකක්, සුදීකගෙ පහල කමෙන්ට් එකේ තියෙනවා.)

ඩ්‍රැකීගෙ බලුකතා: ( ඒකෙ කමෙන්ට් කියෙව්වොත්, තව බෝනස් කතාත් තියනවා)

තව එක්තරා ඇත්ත කතාවක්...

චොකලට් නෝනගෙන්:

ඉතින් නැගිටින්නකෝ!....  ( ලස්සන චිත්‍රයක් සමඟ)

(ඡායාරූප සහ වීඩියෝ අන්තර්ජාලයෙනි)